Daily Mail-ի անդրադարձը՝ Հենրիխ Մխիթարյանի և Բեթի Վարդանյանի հարսանիքին

Այսօր Իտալիայում՝ Վենետիկի Սուրբ Ղազար կղզու հայկական եկեղեցում Հայաստանի ազգային հավաքականի և Լոնդոնի «Արսենալ»-ի կիսապաշտպան Հենրիխ Մխիթարյանն ամուսնացել է Բեթի Վարդանյանի հետ, ով «Գրանդ Հոլդինգ» ընկերության սեփականատեր Միքայել Վարդանյանի դուստրն է։

Այս իրադարձությանն անդրադարձել է նաև «Daily Mail» պարբերականը․ «Սիրահար զույգը ջրային տաքսիով ուղևորվել է հարսանյաց հանդիսության վայր։

Հարսնացուն՝ Բեթի Վարդանյանը, հայ գործարար Միքայել Վարդանյանի դուստրն է։ Նա հարսանիքի համար ընտրել է փղոսկրի երանգի հարսանյաց զգեստ՝ փայլուն թագով և յուրահատուկ վուալով։

Սերը ճախրում էր երկնքում։ Զույգը լուսանկարիչների համար ցուցադրեց ջերմ համբույրը՝ նավակի վրա։ Ուղևորության ողջ ընթացքում նրանք բաց չէին թողնում միմյանց ձեռքերը։

Բեթիի հարսանեկան ծաղկեփունջը կազմված է եղել վարդագույն և սպիտակ քաջվարդերից։ Զույգի հարսանեկան ֆոտոշարքն իրականացրել է 3 լուսանկարիչ»։