Յոթ ֆուտբոլիստ լքել է «Արսենալ»-ը

Մրցաշրջանի ավարտից հետո յոթ ֆուտբոլիստ լքել է Լոնդոնի «Արսենալ»-ը՝ պայմանագրերի ժամկետները լրանալու պատճառով։ Թիմը լքել են դարպասապահ Պետր Չեխը, պաշտպաններ Կոեն Բրեմելը, Ստեֆան Լիխշտայները և Խուլիո Պլեգեզուելոն, կիսապաշտպաններ Չարլի Գիլմորը և Աարոն Ռեմսին և հարձակվող Դենիել Ուելբեքը։

Նշենք, որ Պետր Չեխն ավարտել է մարզական կարիերան և մարզչական աշխատանքի մտքեր ունի։ Աարոն Ռեմսին տեղափոխվել է «Յուվենթուս»՝ ազատ գործակալի կարգավիճակով։