Օձ գլուխկոտրուկից հնարավոր է ստանալ 2 քառիլիոն տարբեր պատկերներ

1980-ական թվականներից այս օձ-գլուխոտրուկը մեծ հռչակ է վայելում ամբողջ աշխարհում, այդ թվում՝ նախկին ԽՍՀՄ-ում: Այս խաղալիքի պահանջարկը չի մարել մինչ օրս և իր հայտնիությամբ այն կարող է համեմատվել Ռուբիկի խորանարդի հետ: Ի դեպ, օձ-գլուխկոտրուկը հնարել է Էրնյո Ռուբիկը, հենց նույն գյուտարարն, ով ստեղծել է Ռուբիկի խորանարդը: Խաղալիքի օրիգինալ անվանում է՝ Ռուբիկի օձ: Այն իրենից ներկայացնում է առանցքով իրար հետ կապված պրիզմաներ: ԽՍՀՄ-ում այն էժան չէր, մոտ՝ 5 ռուբլի և ավելի քան 50 գործարաններ իրենց արտադրանքում ունեին Ռուբիկի օձեր:

Որքան էլ զարմանալի կթվա, Ռուբիկի օձից, ըստ հաշվումների, կարելի է 2 քառիլիոն տարբեր պատկերներ ստանալ:

Այսօր խաղի հանդեպ հետաքրքրությունը բնավ էլ չի մարել, ավելին, կան բազմաթիվ համացանցային հարթակներ, որտեղ «օձով» տարված մարդիկ ցույց են տալիս իրենց ձեռքբերումները, կիսվում փորձով: