Երևան`   +26 °C
Այսօր`   Չորեքշաբթի, 26 հունիսի, 2019 թ.

Սոնա Հովհաննիսյանը նշանակվեց Կոնսերվատորիայի ռեկտոր

86
Հինգշաբթի, 06 հունիսի, 2019 թ., 11:05
Սոնա Հովհաննիսյանը նշանակվեց Կոնսերվատորիայի ռեկտոր

Կառավարությունը հաստատեց «Երևանի Կոմիտասի անվան պետական կոնսերվատորիա» պետական ոչ առևտրային կազմակերպության ռեկտորի պաշտոնում Սոնա Հովհաննիսյանի ընտրության արդյունքները:

Ռեկտորի թափուր պաշտոնի համար հայտարարված մրցույթին դիմել էին երկու թեկնածու՝ պրոֆեսոր, ՀՀ արվեստի վաստակավոր գործիչ Սոնա Հովհաննիսյանը և կոնսերվատորիայի մասնագիտական դաշնամուրի և երգեհոնի ամբիոնի պրոֆեսոր Վաղարշակ Հարությունյանը:

2019 թվականի մայիսի 14-ին կառավարման խորհրդի նիստում, որին մասնակցում էին խորհրդի 24 անդամներից 23-ը, գաղտնի քվեարկությամբ Սոնա Հովհաննիսյանն ստացել է 15 կողմ ձայն, իսկ Վազարշակ Հարությունյանը՝ 8:

Հիմք ընդունելով կանոնադրության վերոնշյալ դրույթները՝ կոնսերվատորիայի խորհրդը որոշում է կայացրել Սոնա Հովհաննեսի Հովհաննիսյանին ընտրել կոնսերվատորիայի ռեկտոր: