Երևան`   +33 °C
Այսօր`   Չորեքշաբթի, 26 հունիսի, 2019 թ.

«Թավիշը հանդիսավոր ավարտվեց, տիկնայք և պարոնայք». Լևոն Բարսեղյան

307
Կիրակի, 19 մայիսի, 2019 թ., 21:15
«Թավիշը հանդիսավոր ավարտվեց, տիկնայք և պարոնայք». Լևոն Բարսեղյան

Ժուռնալիստների «Ասպարեզ» ակումբի խորհրդի նախագահ Լևոն Բարսեղյանը ֆեյսբուքյան իր էջում գրել է. «Թավիշը հանդիսավոր ավարտվեց, տիկնայք և պարոնայք, ԱԺ պատգամավորներին խորհուրդ եմ տալիս այսուհետ խոսել միայն արդարադատության բարեփոխումից կամ դատավորների զտումից կամ սահմանադրության բարեփոխումից կամ անցումային արդարադատությունից կամ լյուստրացիայից կամ արտահանված ակտիվների վերադարձից կամ ապօրինի հարստացածների կապիտալի ազգայնացումից։ Էն մնացած բաները կսպասեն։ Մխիթարական, սոսկական, կրավորական, ջրալի գրառումները, ծիպա՝ դատավորի աչքերն սկզբից էլ ինձ դուր չէին գալիս, հեղափոխությունը շարունակվում է, չհուսահատվեք՝ լավ կլինի, թաղեմ դրանց բոյը… անխնա կերպով լցոնվելու են ամենաանսպասելի և ամենաբազմազան մեկնաբանություններով, որոնցով հիշեցվելու են վերոհիշյալ խնդիրները։ Թափառող կենդանիների, հարկային ճռթիկ, մաքսային զռթիկ փոխելու ու այլ շատ կարևոր օրինագծերը կսպասեն, հիմա ԱՆԽՈՒՍԱՓԵԼԻ օրենքներ և լուծումներ մշակելու ժամանակն է։ Այն է.

1. Հայաստանի զավթման քաղաքական գնահատականը,
2…10՝ այս գրառման սկզբում գրած է, չարտագրեմ։ Թավիշը, որի հրաշափառ գոյությունը զավթարարներն այդպես էլ չհասկացան, այսօրվա դատավորի որոշմամբ բարեհաջող վախճանվեց։ Ժպիտ, սեր, հանդուրժողականություն, բարի կամք, կանֆետ, խաթր…, պրծավ, ավարտվեց, Ա-ՎԱՐՏ-ՎԵՑ։ Եկավ՝ չոր, հաշվենկատ, ծանր աշխատանքի ու արդարության հաստատման ժամանակը։ Հետո չլսեմ՝ …մենք բոլորս ենք մեղավոր։ Ես զգուշացրի 25379633-րդ անգամ, ես այլևս մեղավոր չեմ»: