Տղամարդու քթի խոռոչից հանել են 5 սմ-անոց կենդանի տզրուկներ

Չինաստանի Գուանդուն նահանգում բժիշկները պացիենտի քթի խոռոչից հանել են կենդանի տզրուկներ: Նշվում է, որ մակաբույծները սնվելիս են եղել մարդու արյամբ: Տղամարդը դիմել է բժշկին՝ գանգատվելով, որ արդեն 10 օր է քթից հաճախակի արյուն է հոսում: Հիվանդն աշխատում է ցիտրուսի պլանտացիայում ու հաճախ է երեսը լվանում չմաքրված ջրով: Ամենայն հավանականությամբ, այդ ջրից էլ տզրուկների մանր ձվերը հայտնվել են նրա քթում:

Որքան էլ զարմանալի է, ամեն մի տզրուկն ունեցել է 5 սմ երկարություն: Բժիշկը հայտնել է, որ տզրուկներն անհավանական դիմացկունություն ունեն, դրա համար էլ չեն սատկում անգամ մարդու օրգանիզմում: Նրանք կարող են հասնել անգամ 20 սմ երկարության և դրանք հեռացնելը շատ լուրջ խնդիր է բժիշկների համար: