Երևան`   +13 °C
Այսօր`   Հինգշաբթի, 28 մարտի, 2024 թ.

ԱՄՆ կոնգրեսականներն առաջարկել են Թուրքիայի դեմ պատժամիջոցներ կիրառել

935
Հինգշաբթի, 16 մայիսի, 2019 թ., 15:40
ԱՄՆ կոնգրեսականներն առաջարկել են Թուրքիայի դեմ պատժամիջոցներ կիրառել

Օրենսդիրների խումբը Կոնգրեսին օրինագիծ է ներկայացրել, որի համաձայն Թուրքիայի դեմ պետք է պատժամիջոցներ կիրառվեն, եթե վերջինը չհրաժարվի ռուսական С-400 հրթիռային համակարգերից: Այս մասին հաղորդագրություն էր տարածել ԱՄՆ արտաքին գործերի կոմիտեի պաշտոնական կայքը:

«Թուրքիան հին գործընկեր է, բայց հստակ ընտրության առջև է կանգնած: Եթե Անկարան շարունակի գնել ռուսական հրթիռային համակարգերը, Միացյալ Նահանգները պետք է անհապաղ պատժամիջոցներ կիրառեն և Թուրքիային հեռացնեն F-35 ծրագրից…Թուրքիան պետք է ընտրի՝ կամ Ռուսաստանի հետ համագործակցությունը, կամ էլ ՆԱՏՕ-ի գործընկերները: Հուսով եմ, որ Էրդողանը ճիշտ ընտրություն կկատարի: Դրանից է կախված մեր միության ապագան», - ասել է ներկայացված փաստաթղթի հեղինակներից Մայքլ Մաքքոլը:

Հիշեցնենք, որ Թուրքիայի ԱԳՆ նախարար Մևլութ Չավուշօղլուն չորեքշաբթի օրը հայտարարել էր, որ Թուրքիան չի պատրաստվում հրաժարվել С-400-ներից: