Երևան`   +22 °C
Այսօր`   Հինգշաբթի, 22 օգոստոսի, 2019 թ.

«Քաղաքական ամբիոնը օգտագործվեց բիզնես շահի համար». Մանե Թանդիլյան

193
Երեքշաբթի, 23 ապրիլի, 2019 թ., 00:40
«Քաղաքական ամբիոնը օգտագործվեց բիզնես շահի համար». Մանե Թանդիլյան

ԱԺ «Լուսավոր Հայաստան» խմբակցության պատգամավոր Մանե Թանդիլյանը Հանրային հեռուստաընկերության եթերում ասաց, որ այսօր ընդդիմությունը շատ բարդ վիճակում է, որովհետև ներկայիս իշանությունը վայելում է ժողովրդի սերը և վստահությունը: «Մենք անընդհատ պետք է ցույց տանք և վերահաստատենք այն, որ այն արժեքները, ինչի համար մենք էլ ենք պայքարել, պետք է կյանքի կոչվեն: Եվ այստեղ է, որ մենք՝ որպես ընդդիմություն, փորձում ենք հակակշռել և փոխզսպել իշխանությանը»,- ասել է Թանդիլյանը:

Անդրադառնալով ցեմենտի պետական տուրքի վերաբերյալ նախագծի քննարկումներին՝ պատգամավորը նշել է. «Այն, որ այդքան բուռն տեղի ունեցան այդ քննարկումները, ուներ պատճառ: Տարբեր, ոչ պակաս կարևոր քննարկման հարցեր կան, որ այդ աստիճան բուռն քննարկման չեն ենթարկվում ԱԺ-ում, որովհետև այդ տեսակ շահերի բախման առարկա չեն դառնում: Ակնհայտորեն այստեղ կա բիզնեսի և քաղաքական շահերի բախում և այն սուբյեկտը, որ հանդիսանում էր հիմնական տնտեսվարողը, ներկա էր Ազգային ժողովում՝ որպես պատգամավոր, հետևաբար՝ մի ամբողջ կուսակցություն պաշտպանում էր այն շահերը, որ հետապնդում էր իրենց խմբակցության ղեկավար Գագիկ Ծառուկյանը: Քաղաքական ամբիոնը օգտագործվեց բիզնես շահի համար: Դրա համար ենք մենք պնդում, որ քաղաքականությունն ու բիզնեսը տարանջատելու հրամայական ունենք»: