Երևան`   +17 °C
Այսօր`   Շաբաթ, 25 մայիսի, 2019 թ.

Արքայազն Հարին ու Մեգան Մարքլը, հնարավոր է, տեղափոխվեն Աֆրիկա

843
Երկուշաբթի, 22 ապրիլի, 2019 թ., 16:35
Արքայազն Հարին ու Մեգան Մարքլը, հնարավոր է, տեղափոխվեն Աֆրիկա

Բրիտանական The Sunday Times թերթի հաղորդմամբ Սասեքսի դուքսն ու դքսուհին երեխայի ծնվելուց հետո, հնարավոր է, Աֆրիկան տեղափոխվեն: CNN-ն էլ հաղորդում է, այդ քայլով նրանք փորձում են թագավորական ընտանիքի ազդեցության տակ գտնվող երկրներում մեծացնել Մեծ Բրիտանիայի քաղաքական դերը: ԱՄՆ-ում Մեծ Բրիտանիայի նախկին դեսպան, արքայազն Հարիի միջազգային հարցերով խորհրդական Դեյվիդ Մանինգը գտնում է, որ այդ ուղևորությունը կամրապնդի թագավորական զույգի դիրքն ու նրանց հնարավորություն կընձեռի հետագայում բնակություն հաստատել Վինդզորում:

Հիշեցնենք, որ Եղիսաբեթ Երկրորդ թագուհին Մեգան Մարքլին նշանակել է Համագործակցության երկրների խորհրդի փոխնախագահ: Այդ երկրների շարքում կա աֆրիկյան 19 պետություն:

Նշենք, որ Հարին ու Մեգանը որոշել են խախտել թագավորական ընտանիքի ավանդույթն ու գաղտնի պահել երեխային ծնվելու մանրամասները: Հոկտեմբերին թագավորական ընտանիքը հայտնել էր Մեգանի հղիության մասին: