«Ծիծաղում ենք, որպեսզի չխելագարվենք». այսօր Չարլի Չապլինի ծննդյան օրն է
«Ծիծաղը մարտահրավեր է ճակատագրին. մենք ծիծաղում ենք գիտակցելով մեր անկարողությունը բնության ուժերի հանդեպ... Ծիծաղում ենք, որպեսզի չխելագարվենք»․ Չարլի Չապլին Անգլիացի նշանավոր կինոդերասան, սցենարիստ, երգահան և ռեժիսոր, համաշխարհային կինեմատոգրաֆի ամենահայտնի՝ թափառաշրջիկ Չարլիի կերպարի ստեղծողը՝ Չարլի Չապլինը, ծնվել է 1889-ի ապրիլի 16-ին, Լոնդոնում: Առաջին անգամ բեմում ելույթ է ունեցել հինգ տարեկան հասակում: Արդեն 9 տարեկանում նա ընդունվել է «Ութ լանկաշիրյան տղաներ» պարային խումբ, իսկ 14 տարեկանում Չապլինը մշտական աշխատանք է ստացել թատրոնում՝ կատարելով «Շերլոկ Հոմս» պիեսում Բիլլի դերը: 1914-ին Չապլինն ինքնուրույն նկարահանում է իր առաջին ֆիլմը՝ «Անձրևի տակ մնացածը», որում նա հանդես է գալիս որպես դերասան, ռեժիսոր և սցենարի հեղինակ: «Հանուն արվեստի բեմի վրա կարելի է հայտնվել նաև մերկ, սակայն այնտեղից պետք է վերադառնալ հագնված ու մաքրված»,- համոզված էր Չապլինը: Մեծ հաջողություն են ունենում Չարլի Չապլինի կողմից նկարահանված «Պստիկը», «Ոսկու տենդը», «Կրկես» ֆիլմերը, որոնք այսօր համարվում են անգլիացի կինոգործչի լավագույն գործերը: Չապլինին ճանաչում է բերել համր կինոն, ու չնայած 1927-ին կինոն արդեն ձայն ուներ, նա մի ամբողջ տասնամյակ հավատարիմ է մնացել «հին սարքավորումներին»: «Նրա կոմիզմը պարզ է, դուրեկան և անմիջական: Եվ, այնուամենայնիվ, դուք ամբողջ ժամանակ զգում եք, որ դրա հետևում թաքնված է խոր թախիծ: Նրա հումորը ներծծված է թախիծով»,- այսպես է բնորոշել Սոմերսեթ Մոեմը Չապլինին: Դառը կարիքն ու դժվար մանկությունը, դրան հաջորդած փառքն ու հարստությունը Չապլինին, այնուամենայնիվ, չեն խանգարել մարդ մնալ: Դրա մասին նա գրել է դստերը՝ Ջերալդինային ուղղված հայտնի նամակում. «Ես չեմ եղել հրեշտակ, բայց որքան կարողացել եմ՝ ձգտել եմ մարդ լինել»: |
«Ցեղասպանվեցինք, որովհետև մեզնից առավել ուրիշին սիրեցինք. այսօր պատմությունը կրկնվում է». Արշակ Սրբազանի ելույթը (տեսանյութ)
114Երեկ, 01:54Մայր Աթոռը հայտարարություն է տարածել
12922.04.2024, 18:06«Հայ ժողովուրդն ամենուր պետք է շարունակի համախմբվել՝ հանուն Ցեղասպանության դատապարտման»․ Կաթողիկոս
16321.04.2024, 22:00«Հայի պատմությունը բնավ զիջումի քաղաքականության պատմություն չի եղել». Արամ Ա
14121.04.2024, 19:54Տիգրան Համասյանի համերգը՝ Խուստուփ լեռան լանջին (լուսանկար, տեսանյութ)
14521.04.2024, 13:18«Արա Գեղեցիկ և Շամիրամ» կտավը մասնակցում է նոր ցուցադրության (լուսանկար)
16921.04.2024, 00:30