«Մշակութային ոլորտում քաոս է, շունը տիրոջը չի ճանաչում». Էդմոն Մարուքյան

«Այն, ինչ տեղի է ունենում Օպերայի շուրջ և ընդհանրապես, մի տասը խնդիր կարող եմ ավելացնել, որոնց մասին չի խոսվում, դա կապված է այն քաոսային վիճակի հետ, որ Կառավարությունում կա: Մարդիկ չգիտեն՝ ինչ անեն, չգիտեն՝ իրենք մնալո՞ւ են, թե չեն մնալու, Կառավարաության անդա՞մ են, թե՝ չէ»,- այսօր ԱԺ-ում ճեպազրույցի ժամանակ ասել է «Լուսավոր Հայաստան» խմբակցության ղեկավար Էդմոն Մարուքյանը՝ անդրադառնալով վերջին օրերին Ալ. Սպենդիարյանի անվան օպերայի և բալետի ազգային ակադեմիական թատրոնի շուրջ ծավալվող իրադարձություններին:

Մարուքյանի խոսքով՝ մշակութային ոլորտում այդ «քաոսային» վիճակի հիմնական պատճառը տեսլական չունենալն է. «Մշակութային ոլորտում քաոս է, շունը տիրոջը չի ճանաչում: Մեր առաջարկը նաև դրան է միտված, որ մենք պետք է ունենանք Մշակույթի նախարարություն և ներքևի օղակին ինքնակառավարման մեծ հնարավորություններ տանք»,- ասել է Մարուքյանը: