Կհնչի Մալերի 9-րդ սիմֆոնիան՝ Հայաստանի պետական սիմֆոնիկ նվագախմբի մեկնաբանմամբ
Այսօր՝ ապրիլի 6-ին «Արամ Խաչատրյան» համերգասրահում Հայաստանի պետական սիմֆոնիկ նվագախումբը՝ դիրիժոր Սերգեյ Սմբատյանի ղեկավարությամբ, երաժշտասերներին կներկայացնի ավստրիացի կոմպոզիտոր Գուստավ Մալերի 9-րդ սիմֆոնիան։ Հայաստանի պետական սիմֆոնիկ նվագախումբը Մալերի երկացանկից մինչև այժմ հայ հանդիսատեսին ներկայացրել է թիվ 1, թիվ 5 և թիվ 6 սիմֆոնիաները։ 9-րդ սիմֆոնիան Մալերը գրել է կյանքի վերջին տարիներին, երբ բժիշկները նրա մոտ ախտորոշել էին սրտի անբուժելի հիվանդություն և խորհուրդ տվել հանգիստ կյանք վարել։ Սակայն կոմպոզիտորը պետք է մտածեր ընտանիքի մասին, ուստի ստիպված էր աշխատել ու շատ աշխատել։ Եվ որպեսզի հարազատներին որոշակի միջոցներ ապահովի, նա հրաժարվում է Վիեննայի արքայական օպերայի տնօրենի պաշտոնից և ընդունում Նյու Յորքի «Մետրոպոլիտեն» օպերայի կողմից լավ վարձատրվող աշխատանքի առաջարկը։ Նոր աշխատանքի ծանր պայմանները և նրա խստապահանջ վերաբերմունքն իր գործին է՜լ ավելի ծանրացրին կոմպոզիտորի առողջական վիճակը։ Ահա այս իրավիճակում Մալերը գրում է իր 9-րդ սիմֆոնիան, որը հեղինակի վերջին ավարտուն գործն է։ Չորս մասից բաղկացած 9-րդ սիմֆոնիայի պրեմիերան կայացել է կոմպոզիտորի մահից հետո՝ 1912 թվականին Վիեննայում։ Սիմֆոնիայի առաջին կատարումը ղեկավարել է Մալերի աշակերտը՝ Բրունո Վալտերը։ Մեծակտավ այս գործն աշխարհում Մալերի ամենաշատ կատարվող և ձայնագրվող ստեղծագործությունն է։ Գուստավ Մալերի և համաշխարհային դասական երաժշտարվեստի այս գլուխգործոցը Հայաստանում, սակայն, հազվադեպ է հնչում։ Այն կատարման համար բարդագույն ստեղծագործություն է՝ գրված սիմֆոնիկ նվագախմբի մեծ կազմի համար։ Մալերի 9-րդ սիմֆոնիայի՝ Հայաստանի պետական սիմֆոնիկ նվագախմբի մեկնաբանությունը երաժշտասերները կարող են ունկնդրել ապրիլի 6-ին։ |
«Միայն իրենց իշխանական ալիքներով է, որ հաջող գործարք են իրականացրել, այնինչ իրականում ողբ է». Տեր Արամ (տեսանյութ)
140Երեկ, 21:13«Հանգիստ մի՛ նստեք ու ասեք՝ ես իմ գործով կզբաղվեմ, ու ամեն ինչ նորմալ կլինի». Արսեն Գրիգորյան (տեսանյութ)
129Երեկ, 20:54«Ցեղասպանվեցինք, որովհետև մեզնից առավել ուրիշին սիրեցինք. այսօր պատմությունը կրկնվում է». Արշակ Սրբազանի ելույթը (տեսանյութ)
12124.04.2024, 01:54Մայր Աթոռը հայտարարություն է տարածել
13322.04.2024, 18:06«Հայ ժողովուրդն ամենուր պետք է շարունակի համախմբվել՝ հանուն Ցեղասպանության դատապարտման»․ Կաթողիկոս
16521.04.2024, 22:00«Հայի պատմությունը բնավ զիջումի քաղաքականության պատմություն չի եղել». Արամ Ա
14321.04.2024, 19:54