Երևան`   +16 °C
Այսօր`   Ուրբաթ, 29 մարտի, 2024 թ.

«Հայաստանի իշխանությունը երբեք չի օգտագործել Ալիևի թույլ տեղը». Ոսկան Սարգսյան

1115
Երեքշաբթի, 26 մարտի, 2019 թ., 14:05
«Հայաստանի իշխանությունը երբեք չի օգտագործել Ալիևի թույլ տեղը». Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրել է. «Մարտի 29-ին Վիեննայում սպասվում է Փաշինյանի և Ալիևի հանդիպումը: Փաշինյանը դիմելով Մինսկի խմբի համանախագահներին՝ առաջարկել է հստակեցնել երեք սկզբունքների և վեց կետերի, կամ այլ կերպ ասած՝ Մադրիդյան սկզբունքների նշանակությունը, քանի որ դրանց ներկայիս տեսքը և մեկնաբանությունը Հայաստանի համար ընդունելի չեն: Ալիևը Հայաստանին առաջարկում էր սուբստանտ, առարկայական բանակցություններ վարել, ինչը հիմա առաջարկում է Փաշինյանը, այսինքն՝ լղոզված, տարընթերցումների տեղիք տվող սկզբունքների և կետերի փոխարեն հստակ սահմանել՝ ինչը ինչոց է: Իլհամ Ալիևն ամեն առիթ օգտագործում է Հայաստանին վարկաբեկելու համար, սակայն Հայաստանի իշխանությունը երբեք չի օգտագործել Ալիևի թույլ տեղը՝ նրա ոչ լեգիտիմ նախագահ լինելը: Այսինքն՝ Իլհամ Ալիևը չի ընտրվել ժողովրդավարական, ազատ ընտրություններով ու չի կարող ներկայացնել Ադրբեջանի բնակչության կամքը, նրա հետ կնքված խաղաղության պայմանագիրը հետո կարող է իրավական ուժ չունենալ, անտեսվել Ադրբեջանի հաջորդ իշխանության կողմից»: