Երևան`   +6 °C
Այսօր`   Կիրակի, 24 մարտի, 2019 թ.

«Ձեր այս մոտեցումները փոխեք. լավ տեղ չեք սլանում». Երվանդ Վարոսյան

138
Կիրակի, 17 մարտի, 2019 թ., 16:26
«Ձեր այս մոտեցումները փոխեք. լավ տեղ չեք սլանում». Երվանդ Վարոսյան

Փաստաբան Երվանդ Վարոսյանը ֆեյսբուքյան իր էջում գրել է. «Ամենավատն այն չէ, որ իշխող քաղաքական ուժի շատ ներկայացուցիչներ անփորձ են, այն չէ, որ անգամ հեռավոր պատկերացում չունեն ոլորտներից, որտեղ հայտնվել են, այն չէ, որ խոսում, հետո են փորձում մտածել, հայտարարություն են անում, հետո տաս անգամ խմբագրում, բայց վերջում, միևնույն է, հասկանում, որ ավելի լավ կլիներ հայտարարել, որ իրենց հեռախոսը մեկը գողացել ու իրենց փոխարեն հայտարարություն է գրել: Հատուկ՝ իրենց ու իրենց քաղաքական ուժին վնասելու համար, ամենավատն այն է, որ նրանց համար արդեն ստերեոտիպ է դարձել անսխալականությունը, նրանք հավատում են, որ եթե ինչ-որ բան իրենք են անում, ապա դա հաստատապես ճիշտ է, իսկ եթե որևէ մեկն անգամ փորձ անի քննադատել նրանց այս կամ այն արարք, ապա «պարզ» է, որ այդ ինչ-որ մեկը հաստատ ծախված է, թշնամի է, սև է, քԸխ է և այլ...
Ծանոթ իրավիճակ է, չէ՞, այս իրավիճակից չէի՞նք փախչում, լավ նման կերպ մտածողների դառը փորձն էլ դաս չեղա՞վ։
Չգիտեմ արդեն՝ կհասկանա՞ք ինչ եմ ասում, թե չէ, հարգելի իշխանավորներ, բայց ձեր այս մոտեցումները փոխեք, լավ տեղ չեք սլանում»։