«Վիեննայում չնախատեսված հանդիպում ունեցա». Արսեն Թորոսյան

Առողջապահության նախարար Արսեն Թորոսյանը ֆեյսբուքյան էջում գրել է. «Վիեննայում չնախատեսված հանդիպում ունեցա ՌԴ առողջապահության նախարարի տեղակալ Դմիտրի Կոստենիկովի հետ։ Քննարկեցինք երկկողմ հարաբերությունների վերաբերյալ հարցեր, ինչպես նաև ԵԱՏՄ շրջանակներում անդամ պետություններում աշխատող մյուս անդամ պետությունների քաղաքացիների ընտանիքի անդամների բժշկական օգնությանը վերաբերող հարցեր։

Պայմանավորվեցինք վերջին հարցը քննարկել փորձագիտական մակարդակով, որից հետո կորոշվի այն նախարարական հանդիպման օրակարգ տեղափոխելու հարցը»։