Թրամփն ու Կիմ Չեն Ինն ավարտել են բանակցությունները՝ առանց համաձայնության հասնելու
Վիետնամի մայրաքաղաք Հանոյում ավարտվել են ԱՄՆ նախագահ Դոնալդ Թրամփի և Հյուսիսային Կորեայի առաջնորդ Կիմ Չեն Ինի բանակցությունները: Կողմերը համաձայնության չեն հասել: Լավատեսական նոտայով սկսված բանակցությունների ձախողման մասին հայտնել է Սպիտակ տան մամուլի խոսնակ Սառա Սանդերսը: «Երկու առաջնորդները քննարկել են ապամիջուկայնացման շուրջ հաջողության հասնելու տարբեր ուղիները, ինչպես նաև տնտեսական հարցերը: Ներկա փուլում որևէ համաձայնագիր չի ստորագրվել: Սակայն կողմերի ներկայացուցիչները մոտ ապագայում ևս կհանդիպեն»,- ասել է նա: Ամերիկյան լրատվամիջոցները հայտնում են, որ պլանավորված աշխատանքային ճաշը չեղարկվել է, նույն ճակատագրին է արժանացել նաև փաստաթղթերի ստորագրման արարողությունը: Ավելի ուշ՝ մամուլի ասուլիսի ժամանակ, Թրամփը հայտնել է, որ պատրաստ չէ լիովին չեղարկել Հյուսիսային Կորեայի դեմ տնտեսական պատժամիջոցները: Չնայած բանակցությունների ձախողմանը՝ Թրամփը հայտարարել է, որ Կիմ Չեն Ինը խոստացել է չվերսկսել միջուկային զենքի և բալիստիկ հրթիռների փորձարկումները: ԱՄՆ նախագահը հայտնել է լավատեսության և առաջընթացի մասին: Ասուլիսից հետո Թրամփն ուղևորվել է օդանավակայան և մեկնել ԱՄՆ: Կիմ Չեն Ինը մնացել է Հանոյում, քանի որ նախատեսված էին նրա բանակցությունները Վիետնամի ղեկավարների հետ: «Խոշոր ձախողում է»,- Twitter-ի իր էջում գրել է «Ploughshares» հիմնադրամի նախագահը՝ նշելով գագաթնաժողովի սահմանափակ ձևաչափը: Chicagotribune պարբերականը գրում է բանակցությունների «լավատեսական ոգու» մասին: |
«Արցախը հանձնեց, անցավ Հայաստանին»․ Տաթևիկ Հայրապետյան
4300:54«Կայուն և հարատև խաղաղության հաստատման համար սահմանազատման և սահմանագծման գործընթացը շատ կարևոր է»․ Թորոսյան
76Երեկ, 23:00«Ճանապարհի այդ հատվածի հանձնումը քրեական հանցագործություն է»․ Մեսրոպ Առաքելյան
83Երեկ, 22:24«Ողջունում ենք Երևանի ու Բաքվի պայմանավորվածությունը»․ Կլաար
82Երեկ, 22:18«Տպավորություն ունեմ, որ ոչ մեկ չի ուզում իշխանություն վերցնել»․ Բաբկեն Պիպոյան
88Երեկ, 22:06«Բոլոր պատգամավորներն անձնական պատասխանատվություն են կրում այսօրվա իրավիճակի համար»․ Էդգար Ղազարյան
79Երեկ, 21:36