Բացառիկ դեպք. առանց գլխուղեղի ծնված երեխայի գլխուղեղն աճել է

Մեծ Բրիտանիայում ծնված 6-ամյա Նոյն արդեն երկրորդ անգամ հայտնվում է համաշխարհային մամուլի ուշադրության կենտրոնում: Առաջին անգամ նրա մասին գրեցին նրա լույս աշխարհ գալուց անմիջապես հետո, քանի որ նորածինը ծնվել էր գրեթե առանց գլխուղեղի: Գանգի մեջ կուտակված հեղուկի պատճառով նրա ուղեղն աճել էր ընդամենը 2%-ով:

Մինչև նրա ծնվելը բժիշկները ծնողներին զգուշացրել էին այդ մասին և խորհուրդ տվել հրաժարվել երեխայից: Սակայն ծնողները հրաժարվել էին աբորտ անել, քանի որ իրենք բավականին մեծ տարիքում են եղել և վախեցել են այլևս երեխա չունենալ:

Երեխայի ծնվելուց հետո բժիշկները թեև նրա գանգից հեռացրել են հեղուկը, այնուամենայնիվ վստահեցրել են, որ եթե անգամ հրաշք տեղի ունենա ու երեխան ապրի, նա երբեք չի կարողանա խոսել, տեսնել, լսել, շարժվել, ինքնուրույն սնվել:

Սակայն, ի հեճուկս այս կանխատեսումների, 6 տարի անց երեխան հեշտությամբ կատարում է այս բոլոր գործառույթները, բացառությամբ քայլելուց: Նրա ուղեղն արդեն աճել է 80%-ով:

Նա կարողանում է սերֆինգով զբաղվել և հույս կա, որ մի օր ոտքի կկանգնի: