«Ի՞նչ կապ ունի այստեղ Ռուսաստանը». Զախարովան ընդհատել է ադրբեջանցի լրագրողին
Մոսկվայում երեկ կայացած ճեպազրույցի ժամանակ ադրբեջանցի լրագրողը ՌԴ ԱԳՆ պաշտոնական ներկայացուցիչ Մարիա Զախարովային հարց է ուղղել Մոսկվայում «Լազարյան ակումբի» անցկացման մասին, որին, նրա խոսքով, կմասնակցեն «Ադրեբջանի օկուպացված տարածքների անջատողական ռեժիմի» ղեկավարները: Նա փորձել է ֆորումի անցկացումը կապել նրա հետ, որ Ռուսաստանը ԵԱՀԿ Մինսկի խմբի համանախագահող երկիր է, սակայն Զախարովան ընդհատել է նրան: «Սպասեք: Ի՞նչ կապ ունի այստեղ Ռուսաստանը, ի՞նչ կապ ունեն այդ գործառույթն ու ֆորումը: Ինչպե՞ս եք դուք կապ տեսնում այդ երկու երևույթի միջև: Անշուշտ, Ռուսաստանը ԵԱՀԿ Մինսկի խմբի համանախագահող երկիր է և պաշտոնական մակարդակով կատարում է իր առջև դրված պարտավորությունները: Մոսկվայում տարբեր թեմաներով հարյուրավոր ֆորումներ են անցկացվում: Եթե ունեք տեղեկություն, որ դրանցում մասնակցում են պաշտոնական անձինք, տեղյակ պահեք ինձ, և ես կփորձեմ ճշտել»,- ասել է Զախարովան: Նա նաև հավելել է, որ Ռուսաստանի օրենսդրությամբ ամրագրված է, որ ոչ կառավարական կազմակերպություններն ու քաղաքացիական հանրությունը կարող են միջոցառումներ անցկացնել: Ադրբեջանցի լրագրողի հարցը՝ 1 ժամ 37-րդ րոպեից: |
«Ցանկացած երկիր, որը ցանկանում է ինքնիշխան դառնալ, պարտավոր է ընդունել այդ օրենքը»․ Վոլոդին
5019:00ԵԽԽՎ-ն ոչ լեգիտիմ է ճանաչել Պուտինի իշխանությունը
16018:00«Փաշինյանը Տավուշում մոտավորապես էս պատկերն է ներկայացրել»․ Դավիթ Գալստյան
8117:00«Հիմա ո՞ւր է տարածքներ տալը բացառած Հայկ Չոբանյանը»․ Ոսկան Սարգսյան
6916:48Վազգեն Մանուկյանը բաց նամակ է հղել Կոնստանտին Զատուլինին
8516:18Ադրբեջանի ՀԿ-ները բաց նամակ են հղել Նոբելյան կոմիտե՝ ընդդեմ Ռուբեն Վարդանյանի թեկնածության
8116:00