«Ընդդիմադիր խոսքը կարող է վերածվել ձեռ առնելու, մուննաթի, որոշ դեպքերում՝ սպառնալիքի». Էդմոն Մարուքյան

«Շատ անակնկալ քննարկում էր տեղին ունենում նախորդ շաբաթ, չէինք սպասում, որ ընդդիմադիր խոսքը կարող է վերածվել ձեռ առնելու, մուննաթի, որոշ դեպքերում՝ սպառնալիքների: Որևէ բան մեզ չի կանգնեցրել նախկինում ու չի էլ կանգնեցնելու հիմա, մենք զուսպ, հանգիստ, հանդարտ, հետևողական, հավատալով մեր գաղափարներին ու սկզբունքներին շարունակելու ենք աշխատել»,- Աժ ճեպազրույցների ժամին հայտարարեց «Լուսավոր Հայաստան» խմբակցության ղեկավար Էդմոն Մարուքյանը: «Սպառնալիք՝ նկատի ունեմ և՛ ֆեյսբուքյան գրառումները, և՛ նաև որոշ խոսքեր, որ մեզ են ուղղվել: Կարծում եմ, որ իրենք գիտեն՝ որն էր սպառնալիք, որը՝ ոչ»:

Մարուքյանը նաև տեղեկացրեց ԼՀԿ-ի կողմից առաջիկայում շրջանառության մեջ դրվելիք նախագծի մասին. «Մոտ օրերս շրջանառության մեջ կդնենք սահմանադրական բարեփոխումների փաթեթ, որ հնարավոր է անել պառլամենտական մակարդակով: Դա պատրաստվել է իմ կողմից դեռ «Ելք»-ի ժամանակ, բայց ժամանակ չկար, ու սկսվեց հեղափոխության պրոցեսը: Խոսքն Աժ-ում խմբակցությունների դերի բարձրացման մասին է»: