Երևան`   -5 °C
Այսօր`   Չորեքշաբթի, 20 փետրվարի, 2019 թ.

«4 տարի առաջ, նույն այս օրը Սերժ Սարգսյանը Գագիկ Ծառուկյանին արգելեց քաղաքականությամբ զբաղվել». Դերենիկ Մալխասյան

55
Երեքշաբթի, 12 փետրվարի, 2019 թ., 23:35
«4 տարի առաջ, նույն այս օրը Սերժ Սարգսյանը Գագիկ Ծառուկյանին արգելեց քաղաքականությամբ զբաղվել». Դերենիկ Մալխասյան

Քաղաքական մեկնաբան Դերենիկ Մալխասյանը ֆեյսբուքյան իր էջում գրել է. «Ուղիղ 4 տարի առաջ, նույն այս օրը Սերժ Սարգսյանը Գագիկ Ծառուկյանին արգելեց քաղաքականությամբ զբաղվել։

«Գագիկ Ծառուկյան քաղաքական դերակատարը մեր երկրի համար դարձել է չարիք: Ու դա բնական է: Քաղաքական գործընթացներին մասնակից լինելու համար անհրաժեշտ մեխանիզմներ տնօրինող, բայց մտավոր ցածր ունակություններով անհատն ինքնաբերաբար դառնում է որևէ զարգացման ուղղակի արգելակ: Մի բան, ինչն ակնհայտորեն երևում է արդեն վաղուց: Ցանկացած լուսավոր անհատ կամ ցանկացած լուսավոր գաղափար մեր երկրում հրապարակ իջնելուց միանգամից մոլեգնում է խավարի ուժը. աղաղակ, պիտակավորում, անվանարկում, «ես այսօր այստեղ եմ և ես ուրախ եմ, որ այսօր այստեղ եմ» մակարդակից վեր յուրաքանչյուր մտքի բռնաբարում: Ծանո՞թ պատկերներ են, չէ՞: Իհա՛րկե ծանոթ են: Ու չասեք, թե սա միայն իշխանական գործիչների դեմ է օգտագործվում: Բոլորն ամեն ինչ շատ լավ հասկանում են»,- Սերժ Սրագսյան»: