ԱՄՆ-ում ինքնաթիռն ընկել է բնակելի տների վրա. կան զոհեր

ԱՄՆ Քալիֆորնիա նահանգի Իորբա-Լինդա քաղաքում ինքնաթիռն ընկել է բնակելի տների վրա, ինչի հետևանքով 5 մարդ է զոհվել, հաղորդում է The Sun-ը՝ հղում անելով ԱՄՆ դաշնային ավիացիոն վարչությանը:

Դեպքի վայրում խոշոր հրդեհ է բռնկվել:

Ինքնաթիռն ընկել է 2 բնակելի տան վրա և պայթել:

Ամերիկյան լրատվամիջոցների տեղեկություններով՝ ինքնաթիռում եղել է միայն օդաչուն, ով տեղում մահացել է: Զոհվել է նաև տներում գտնվող 4 մարդ, ևս 2-ն այրվածքներով հոսպիտալացվել է: