Բրազիլիայում Vale ընկերությունը պատկանող պոչամբարի փլուզման հետևանքով 60 մարդ է զոհվել

Բրազիլիայի հարավ-արևելքում պոչամբարի փլուզման հետևանքով զոհերի թիվը հասել է 60-ի, հաղորդում է BBC-ն: Այս մասին հայտնել է Մինաս Ժերայս նահանգի քաղաքացիական պաշտպանությունը, որտեղ տեղի է ունեցել ողբերգությունը:

Պոչամբարը պատկանում է Բրազիլիայի խոշորագույն հանքարդյունահանող ընկերությանը՝ Vale-ին, որը նաև համարվում է երկաթի հանքաքարի խոշորագույն արդյունահանողն աշխարհում:

Վերջին տվյալների համաձայն՝ անհետ կորածների թիվը կազմում է 292-ը, ևս 382 մարդ ողջ է գտնվել:

Աղետի մասշտաբները ցնցել են Բրազիլիայի հանրությանը, կոչեր են արվում պատասխանատվության ենթարկել Vale ընկերությանը: Ընկերության նախագահ Ֆաբիո Շվարցմանը, հանքի աշխատակիցներից մեկի խոսքով, գիտեր ռիսկերի մասին, և չնայած դրան՝ իրենց ուղարկել էր ողբերգության վայր: «Նա աշխատակիցներին օգտագործում է մեկանգամյա օգտագործման սպասքի նման»,- ասել է աշխատակիցը:

Աղետը տեղի է ունեցել հունվարի 25-ին: