Կերչի նեղուցում նավեր են այրվել. 11 մարդ է զոհվել

Սև ծովում Կերչի նեղուցի շրջանում Տանզանիայի դրոշով 2 նավ է այրվել, ինչի հետևանքով 11 նավաստի է զոհվել, 12-ին հաջողվել է փրկել, հաղորդում է Интерфакс-ը:

Գործակալության աղբյուրի տվյալներով՝ պայթյուն է տեղի ունեցել, ապա՝ հրդեհ: Հիմնական վարկածն անվտանգության տեխնիկայի խափանումն է:

«Նախնական տեղեկությունների համաձայն՝ պայթյունը տեղի է ունեցել մեկ նավից մյուսը վառելիքի փոխանցման ժամանակ»,- հայտնել է աղբյուրը:

Աղբյուրը նաև հայտնել է, որ զոհերի թիվը կարող է աճել: