Ալավերդու մոտ հողի 20 մ շերտի տակից հայտնաբերվել է խոշոր կարաս

Հայաստան-Վրաստան ավտոճանապարհի Ալավերդու մերձակա հատվածում ճանապարհաշինարարները ճանապարհի լայնացման աշխատանքների ժամանակ օրերս հայտնաբերել են խոշոր կարաս: MAMUL.am-ի հետ զրույցում Համայնքային համախմբման և աջակցության կենտրոնի նախագահ Օլեգ Դուլգարյանը տեղեկացրեց, որ գտածոն պեղել են հողի ավելի քան 20 մետր շերտի տակից: Առայժմ այդ հատվածում աշխատանքները դադարեցված են, սակայն, որքանով որ մեր զրուցակիցն է տեղյակ, դեռևս հնագետներ չեն եկել և մասնագիտական ուշադրություն կարասի հանդեպ դեռևս չկա: