Հյուսիսային և Հարավային Կորեաները կրկին միավորվում են՝ հանուն օլիմպիական խաղերի

Հյուսիսային Կորեան՝ ԿԺԴՀ-ն, և Հարավային Կորեան պայմանավորվել են համատեղ հանդես գալ Տոկիո-2020 օլիմպիական խաղերին: Նրանք համատեղ թիմեր կներկայացնեն կանանց բասկետբոլում, կանոեում և ակադեմիական թիավարությունում: Բացի այդ, կողմերը քննարկում են 2032 թվականի օլիմպիական խաղերն անցկացնելու համատեղ հայտ ներկայացնելու հարցը:

Նշենք, որ Հյուսիսային և Հարավային Կորեաները Փհենչհան-2018 օլիմպիական խաղերին հանդես եկան մեկ դրոշի ներքո։ Կորեայի միավորված հանրապետության օրհներգն էր «Արիրան» ժողովրդական երգը։