Իլոն Մասքը բացել է ստորգետնյա առաջին արագընթաց թունելը

Tesla և SpaceX ընկերությունների հիմնադիր Իլոն Մասքը Լոս Անջելեսում բացել է ստորգետնյա առաջին արագընթաց թունելը, հաղորդում է CNBC հեռուստաալիքը:

Մասքի խոսքով՝ թունելի միջով արագ երթևեկության համար մեքենաների համար կողային անիվներ են նախատեսված:

Նշվում է, որ թունելի բացման պաշտոնական արարողության ժամանակ ցուցադրվել է Tesla մակնիշի մեքենան: Ակնկալվում է, որ էլեկտրական մեքենան թունելով կանցնի ժամում մինչև 150 մղոն (241 կմ/ժամ) արագությամբ:

«Կարծում եմ՝ սա պատմական պահ է»,- ասել է Մասքը՝ բացելով իրեն պատկանող Boring Company-ի թունելը: