Երևան`   +17 °C
Այսօր`   Ուրբաթ, 19 ապրիլի, 2024 թ.

«Հայաստանի հետ առաջին անգամ փոխըմբռնման ենք հասել». Մամեդյարով

1105
Չորեքշաբթի, 19 դեկտեմբերի, 2018 թ., 10:00
«Հայաստանի հետ առաջին անգամ փոխըմբռնման ենք հասել». Մամեդյարով

Ադրբեջանի արտաքին գործերի նախարար Էլմար Մամեդյարովը հայտարարել է Հայաստանի արտաքին գործերի նախարարի պաշտոնակատար Զոհրաբ Մնացականյանի հետ Միլանում Լեռնային Ղարաբաղի հակամարտության կարգավորման հարցով բանակցությունների ընթացքում փոխըմբռնման հասնելու մասին, հաղորդում է «Интерфакс»-ը:

«Կարծում եմ՝ Միլանում վերջին հանդիպման ժամանակ իմ հայ գործընկերոջ հետ առաջին անգամ փոխըմբռնման հասանք, ինչը մեզ երկար ժամանակ չէր հաջողվում»,- դիվանագիտական կորպուսի ներկայացուցիչների ընդունելության ժամանակ ասել է Մամեդյարովը:

Նրա խոսքով՝ 2019 թվականին Ադրբեջանի համար գլխավոր խնդիրը կմնա ԼՂ հակամարտության կարգավորման ուղիների որոնումը:

«Ժամանակի մեծ մասը նվիրել եմ Լեռնային Ղարաբաղի հակամարտության կարգավորման ուղիների որոնմանը: Դա կլինի գլխավոր խնդիրը նաև հաջորդ տարի: Հիմնական նպատակը զգալի արդյունքների հասնելն է»,- նշել է Մամեդյարովը: