Ֆրանսիայում ռեկորդային թվով մարդ է ձերբակալվել

Ֆրանսիայի ներքին գործերի նախարար Քրիստոֆ Քասթաները հայտնել է, որ երեկ Փարիզում «դեղին բաճկոնավորների» կողմից հրահրված զանգվածային անկարգությունների ընթացքում ձերբակալությունների թիվը գերազանցել է 1550-ը, հաղորդում է ТАСС-ը:

«Ձերբակալվածների թիվը ռեկորդային է, այն գերազանցել է 1550-ը: Փարիզում երբեք այսքան մարդ չէր ձերբակալվել»,- ասել է նախարարը:

Բացի այդ, նրա խոսքով, ձերբակալվածների թիվն անխուսափելիորեն կաճի: Նա նաև խոստովանել է, որ երեկ Ֆրանսիայի համար «ամենածանր և ամենալարված» օրն է եղել: