Համացանցում են հայտնվել Մխիթարյանի և թիմակիցների խնջույքի սկանդալային լուսանկարները և տեսանյութը

Մրցաշրջանի մեկնարկից հաշված օրեր առաջ՝ օգոստոսին, Լոնդոնում «Արսենալ»-ի 12 ֆուտբոլիստ, որոնց թվում էր նաև Հայաստանի հավաքականի ավագ Հենրիխ Մխիթարյանը, փակ խնջույք են կազմակերպել։ «The Sun» պարբերականը լուսանկարներ է հրապարակել, որոնք սկանդալի առիթ են դարձել՝ ֆուտբոլիստների ոչ մարզական պահվածքի համար։ Լուսանկարներից և տեսանյութից երևում է, որ ներկա են եղել Հենրիխ Մխիթարյանը, Ալեքսանդր Լակազետը, Պիեր Էմերիկ Օբամեյանգը, Մեսութ Օզիլը, Շկոդրան Մուստաֆին, Սեադ Կոլաշինացը, Մաթեո Գենդուզին: Նրանք զվարճացնող գազ են օգտագործել:Պարբերականի աղբյուրը, որը երկա է գտնվել խնջույքին, հայտնում է, որ ֆուտբոլիստները փուչիկներից զվարճացնող գազ են շնչել, նարգիլե են ծխել, ալկոհոլ օգտագործել։ Հրավիրված է եղել նաև 70 աղջիկ։ Պարբերականը նշում է, որ սննդի և խմիչքի հաշիվը կազմել է 25-ից 30 հազար ֆունտ սթերլինգ։

Նշենք, որ ո՛չ ֆուտբոլիստները, ո՛չ ակումբը դեռևս չեն մեկնաբանել իրավիճակը։