Երևան`   +7 °C
Այսօր`   Չորեքշաբթի, 12 դեկտեմբերի, 2018 թ.

Մարզպետն ուզում է ապացուցել, որ «ասողն» ինքն է. Սիփանի «ներկայությունը» կաշկանդում է. «Հրապարակ»

129
Ուրբաթ, 07 դեկտեմբերի, 2018 թ., 09:35
Մարզպետն ուզում է ապացուցել, որ «ասողն» ինքն է. Սիփանի «ներկայությունը» կաշկանդում է. «Հրապարակ»

«Հրապարակ»-ը գրում է. «Տավուշի մարզում հիմնական «պարտիան» մարզպետ Վահե Ղալումյանի և Նիկոլ Փաշինյանի եղբորորդու՝ ՏԿ նախարարի խորհրդական Սիփան Փաշինյանի միջև է։ «Մարտը» թեժ է, քանի որ եթե Սիփանը չանցնի ռեյտինգայինով, պատգամավոր չի դառնա՝ ցուցակի վերջում է։ Մարզպետն էլ ուզում է ապացուցել, որ մարզում «ասողն» ինքն է, և ևս 3 թեկնածու է առաջադրել, որոնք, ըստ բնակիչների, «կենսագրություն չունեն»։

Իսկ ցուցակի «ներքին օգտագործման տարբերակում», թեկնածուի անվան դիմաց նշված է, թե ով է նրան երաշխավորել։ Լուսինե Անտոնյանին, Հայկանուշ Բեգլարյանին, Հայկ Չոբանյանին երաշխավորել է մարզպետը։ Այստեղ իր սեփական խաղն ունի նաև Արարատ Միրզոյանը․ նրա թեկնածուն վերահսկողականի աշխատակից Էդգար Ճաղարյանն է, որը փորձում է վարչական լծակներ կիրառել, սակայն Սիփանի «ներկայությունը» կաշկանդում է։ Մյուս կուսակցություններից ակտիվ է «Մենք»-ը»։

Մանրամասները՝ թերթի համարում: