«Մարտի 1»-ի գործով վերջին 6 ամսում հարցաքննվել է 1000-ից ավելի անձ». ՀՔԾ պետ

ՀՔԾ պետ Սասուն Խաչատրյանն այսօր ներկայացրել է «Մարտի 1»-ի գործով կատարված բացահայտումները. «Միայն «Մարտի 1»-ի գործով, վերջին 6 ամիսների ընթացքում, հարցաքննվել են 1000 ավելի անձինք, կատարվել են 40-ից ավելի խուզարկություններ, քաղաքացիներից և պետական տարբեր հիմնարկներից կատարվել են 85 առգրավումներ, նշանակվել են 23 փորձաքննություններ, այդ թվում՝ բարդ-համալիր: Փորձաքննության են ներկայացվել 146 միավոր հրազեն, մեծ քանակությամբ զինամթերք»: