Կամերային նվագախումբը ներկայացրել է Շյոնբերգի «Պայծառակերպված գիշեր»-ը

Հայաստանի պետական կամերային նվագախումբը, երկար դադարից հետո, երաժշտասերներին է ներկայացրել Առնոլդ Շյոնբերգի «Պայծառակերպված գիշեր» ստեղծագործությունը: Նոյեմբերի 26-ին ՀՊԿՆ-ը, գեղարվեստական ղեկավար և գլխավոր դիրիժոր Վահան Մարտիրոսյանի ղեկավարությամբ, համերգով հանդես է եկել Կոմիտասի անվան կամերային երաժշտության տանը: «Պայծառակերպված գիշեր» խորագրով երեկոյին հնչել են նաև Յ. Ս. Բախի Դաշնամուրի կոնցերտ ռե մինոր, Գ. Ֆ. Հենդելի Կոնցերտ երգեհոնի և նվագախմբի համար ստեղծագործությունները: Որպես մենակատարներ հանդես են եկել Նարինե Ենգիբարյանը (դաշնամուր) և Թերեզա Ոսկանյանը (երգեհոն):

Հավելենք, որ Կամերային նվագախմբի հաջորդ համերգը տեղի կունենա դեկտեմբերի 2-ին: Նվագախմբի և «Հովեր» պետական կամերային երգչախմբի կատարմամբ հնչելու է Բրուքների «Ռեքվիեմ»-ը, համերգը նվիրված է Սպիտակի երկրաշարժի 30-րդ տարելիցին: