Եմենում սովից մոտ 85 հազար երեխա է մահացել

Եմենում մոտ 85 հազար երեխա է մահացել սովից վերջին 3 տարվա ընթացքում՝ դաժան պատերազմի ֆոնին, գրում է BBC-ն:

Օգտվելով ՄԱԿ-ի տվյալներից՝ «Փրկենք երեխաներին» կազմակերպությունը գնահատել է մահացության մակարդակը մինչև 5 տարեկան երեխաների շրջանում: Մարդասիրական գործակալության տվյալներով՝ 84701 երեխա է սովից մահացել 2015թ. ապրիլից մինչև 2018թ. հոկտեմբերն ընկած ժամանակահատվածում:

ՄԱԿ-ի պարենի համաշխարհային ծրագրի տվյալներով՝ Եմենի մինչև 14 միլիոն բնակիչ գտնվում է սովի մատնվելու ռիսկային գոտում:

Մինչդեռ առողջապահության համաշխարհային կազմակերպությունը պնդում է, որ մոտ 10 հազար մարդ, հիմնականում քաղաքացիական անձինք, սպանվել են Եմենում 2015թ. Սաուդյան Արաբիայի ներխուժման հետևանքով: