Երևան`   -2 °C
Այսօր`   Ուրբաթ, 14 դեկտեմբերի, 2018 թ.

«Շերեմետևո» օդանավակայանում մահացած ՀՀ քաղաքացին հայտնի բալետմեյստերի է հարվածել. նոր մանրամասներ

1297
Չորեքշաբթի, 21 նոյեմբերի, 2018 թ., 16:15
«Շերեմետևո» օդանավակայանում մահացած ՀՀ քաղաքացին հայտնի բալետմեյստերի է հարվածել. նոր մանրամասներ

Նոր հանգամանքներ են պարզվել Մոսկվայի Շերեմետևո օդանավակայանում 25-ամյա ՀՀ քաղաքացի Ալբերտ Եփրեմյանի մահվան գործով:

«Пятый канал»-ին ռուսաստանցի հայտնի բալետմեյստեր, ՌՍՖՍՀ վաստակավոր արտիստ Սերգեյ Ռադչենկոն հայտնել է, որ Եփրեմյանը մահից առաջ հարվածել է իրեն:

«Նա մի տղամարդու մի քանի անգամ հարվածեց: Ապա նստեց և ուշադիր ինձ էր նայում: Ես ուշադրություն չդարձրեցի: Իսկ հետո զգացի հարված ծնոտիս: Չպատասխանեցի և վեճ չսկսեցի»,- ասել է Ռադչենկոն:

Հարցին, թե ինչու է հարվածել, Եփրեմյանը պատասխանել է. «Դուրս կգանք՝ կիմանաս»:

Ավելի վաղ համացանցում էր հայտնվել օդաչուների խոսակցության ձայնագրությունը: