Լարսը փակ է. ռուսական կողմում տրանսպորտային միջոցների մեծ հերթ է

Վրաստանում ՀՀ դեսպանության մամուլի ծառայությունը տեղեկացնում է, որ այս պահի դրությամբ շարունակում է փակ մնալ Վերին Լարս տանող Գուդաուրի-Կոբի ճանապարհահատվածը, բոլոր տեսակի տրանսպորտային միջոցների համար։ Պատճառը ձնահոսքերի հնարավոր վտանգն է։ Փակ է նաև Վերին Լարսի անցակետը։

Ռուսական կողմում կա տրանսպորտային միջոցների մեծ հերթ։

Վրաստանի միջավայրի պաշտպանության և գյուղատնտեսության նախարարության միջավայրի ազգային գործակալության փորձագետների խումբը այժմ գտնվում է Գուդաուրի-Կոբի ճանապարհահատվածում և տեղում իրականացնում է ձնահոսքի մոնիտորինգ: