«Աստվածածին՝ առավոտ խաղաղության…». ցուցահանդես՝ Ժողովրդական արվեստի կենտրոնում

Նոյեմբերի 17-ին Ժողովրդական արվեստի կենտրոնում կկայանա ժողովրդական վարպետ, նկարչուհի Սիրանուշ Բաղրամյանի «Աստվածածին՝ առավոտ խաղաղության…» խորագրով անհատական ցուցահանդեսի բացման արարողությունը: Ցուցահանդեսը բաց կլինի մինչև դեկտեմբերի 2-ը: Մուտքն ազատ է:

Սիրանուշ Բաղրամյանն ունի իր ուրույն ոճը, գունամտածողությունը: Տիրապետում է ջրաներկի, պաստելի, գուաշի, տուշի, ակրիլի տեխնիկաներին:

Սիրանուշ Բաղրամյանը ծնվել է 1953-ին՝ Երևանում: 1977թ. ավարտել է Երևանի պետական բժշկական ինստիտուտը: 25 տարի աշխատել է «Արմենիա» բժշկական կենտրոնում որպես բժիշկ-ալերգոլոգ: 2000-ից զբաղվում է նկարչությամբ: 2003-2015թթ. ունեցել է անհատական ցուցահանդեսներ Հայաստանում. առաջին անհատական ցուցահանդեսը՝ ԱՄՆ դեսպանատանը: 2007թ.-անհատական և խմբակային ցուցահանդեսներ Ֆրանսիայի Մարսել և Էքսան-Պրովանս քաղաքներում: 2015թ. ստացել է Ժողովրդական վարպետի վկայական: