Քալիֆորնիայում անտառային հրդեհների հետևանքով զոհերի թիվն աճում է

ԱՄՆ Քալիֆորնիա նահանգում անտառային հրդեհների հետևանքով զոհերի թիվն աճել է՝ հասնելով 31-ի, փոխանցում է USA Today-ը:

Քալիֆորնիայի հյուսիսում Camp անտառային հրդեհի հետևանքով 29 մարդ է զոհվել, ևս 2-ը՝ նահանգի հարավում՝ Woolsey հրդեհի հետևանքով: Ավելի վաղ հաղորդվել է, որ 228 մարդ անհետ կորած է համարվում:

Նահանգի հյուսիսում Camp անտառային հրդեհն սկսվել էր հինգշաբթի և դարձել նահանգի պատմության ամենախոշոր հրդեհը:

Բացի այդ, հեռուստաալիքը հայտնում է, որ հրդեհը տարածվել է գրեթե 45 հազար հեկտար տարածքով, հրշեջներին հաջողվել է մարել հրդեհի 25%-ը: Հրդեհի հետևանքով 6,47 հազար կառույց է փլուզվել: