Երևան`   +5 °C
Այսօր`   Չորեքշաբթի, 14 նոյեմբերի, 2018 թ.

«Խցանումները գնալով ավելի խնդրահարույց են դառնալու». Կարեն Հովհաննիսյան

187
Երեքշաբթի, 06 նոյեմբերի, 2018 թ., 18:05
«Խցանումները գնալով ավելի խնդրահարույց են դառնալու». Կարեն Հովհաննիսյան

Ռազմական վերլուծաբան Կարեն Հովհաննիսյանը ֆեյսբուքյան իր էջում գրել է. «Մայրաքաղաք Երևանում խցանումները գնալով ավելի խնդրահարույց են դառնալու: Ոչ մի գծանշում, ոչ մի սենսորային լուսացույց այլևս իրավիճակը չի փրկի: Եթե մեկ տարի առաջ խցանումները բացառապես առավոտյան և երեկոյան ժամերին էին, ապա այսօր արդեն ողջ ցերեկվա ընթացքում է, գալու է մի օր, որ արդեն գիշերն էլ խցանումների խնդիր կունենանք:
Հարցին պետք է ավելի լուրջ վերաբերել: Հիմնական խցանման պատճառ հանդիսացող խաչմերուկները պետք է բեռնաթափվեն, իսկ բեռնաթափման միակ էֆեկտիվ լուծումը դա ինժիներական լուծումն է: Պետք է բոլոր խաչմերուկներն այլևս չհատվեն, անցնեն վերգետնյա կամ ստորգետնյա ճանապարհներով: Նորից եմ կրկնում, որ խցանումները գնալով դառնալու են շատ մեծ գլխացավանք և ոչ մի կոսմետիկ միջամտություն չի փրկում իրավիճակը. պարզապես միջոցների զուր վատնում է:
Հ.Գ. Միտքս հանգիստ կարող եք գողանալ, հարգելի պատկան մարմիններ, չեմ նեղվի, ավելի ուրախ կլինեմ»: