Մշակույթի նախարարության դիրքորոշումը՝ «Զվարթնոց» օդանավակայանը վերանվանելու կապակցությամբ

ՀՀ մշակույթի նախարարությունը պարզաբանում է ներկայացրել «Զվարթնոց» օդանավակայանը Շառլ Ազնավուրի անունով վերանվանելու առնչությամբ տեղի ունեցած հանրային քննարկումից:

«ՀՀ մշակույթի նախարարությունը տվել է բացասական կարծիք՝ ներկայացնելով հիմնավորումներ: Սակայն և՛ մշակույթի նախարարությունը, և՛ կառավարության աշխատակազմը շարունակում են քաղաքացիներից ստանալ «Զվարթնոց» օդանավակայանը վերանվանելու հետ կապված առաջարկներ: Ելնելով վերոնշյալից, որոշում կայացվեց՝ հանրային քննարկման միջոցով պարզել հանրության գերակշիռ մասի տեսակետը՝ հիմնավորումներով»:

Նշենք, որ Մշակույթի նախարարությունը «Զվարթնոց» օդանավակայանը Շառլ Ազնավուրի անունով վերակոչելու թեմայով հանրային քննարկում էր հրավիրել:

Հիշեցնենք, որ համացանցում մի խումբ օգտատերեր առաջարկել էին «Զվարթնոց» միջազգային օդանավակայանի նոր մասնաշենքն անվանափոխել հայ մեծանուն շանսոնյե Շառլ Ազնավուրի անունով: Այս թեմայով MAMUL.am-ը նաև հարցում էր անցկացրել: