Երևան`   +1 °C
Այսօր`   Երեքշաբթի, 16 դեկտեմբերի, 2025 թ.

Գարրի Արզումանյանի աշխատանքների ցուցադրությունը՝ «Նարեկացի» արվեստի միությունում

470
Երկուշաբթի, 29 հոկտեմբերի, 2018 թ., 17:15
Գարրի Արզումանյանի աշխատանքների ցուցադրությունը՝ «Նարեկացի» արվեստի միությունում

Այսօր երեկոյան «Նարեկացի» արվեստի միությունում տեղի կունենա ASMA Միացյալ Նահանգների ծովանկարիչների միության անդամ Գարրի Արզումանյանի աշխատանքների ցուցադրությունը: «Քայլ» խորագրի ներքո կներկայացվեն նկարչի լավագույն աշխատանքներից:

Գարրի Վանյայի Արզումանյանը ծնվել է 1986 թվականին Կապանում:

Միքս ժանրով ստեղծագործող նկարչի գործերում գերակշռում է սիմվոլիզմն ու գույների գերիշխանությունը:

Տպավորված լինելով Այվազովսկու նման մեծության գործերով՝ Գարրի Արզումանյանն ինքն իրեն խոստովանում է. «Ինձ համար մեծություն է Այվազովսկին. նրա տեխնիկան օգտագործելն անարգանք եմ համարում նրա մեծության հանդեպ: Միևնույն է, ոչ մեկը նրանից ավելի լավ ծովը չի պատկերի»:

Ցուցահանդեսներ է ունեցել Սանկտ Պետերբուրգում, Մոսկվայում, Լյուբլյանայում, Մինսկում, ԱՄՆ-ում, Ավստրալիայում և Հայաստանում:

Գարրի Արզումանյանի նկարների հիմնական թեման բնության տարերքներն են՝ օդն ու ջուրը:

Կարևոր տեղ են գրավում ճանապարհը, ճանապարհ գնացող միայնակ անցորդը, կամ նավը ծովում…