Ռոբերտ Քոչարյանը հարցազրույց է տվել Lenta-ին
ՀՀ երկրորդ նախագահ Ռոբերտ Քոչարյանը հարցազրույց է տվել Lenta.ru-ին, որում խոսել է քաղաքականություն իր վերադարձի, ՀՀ վարչապետի պաշտոնակատար Նիկոլ Փաշինյանի և նրա վերջնական հաղթանակի դեպքում Հայաստանի վիճակի, հայ-ռուսական հարաբերությունների, ինչպես նաև Արցախի մասին: Այն հարցին, թե ինչպես է գնահատում Նիկոլ Փաշինյանի հերթական հաղթանակը, Ռոբերտ Քոչարյանն ասել է. «Չէի կասկածում, որ ներկայացումը կխաղան, և արտահերթ ընտրություններ կնշանակվեն: Զարմանալի չէ, քանի որ այլ ուժեր քաղաքական կամք չդրսևորեցին և չհամագործակցեցին միմյանց հետ՝ արտահերթ ընտրություններ թույլ չտալու համար»: Քոչարյանի խոսքով՝ արդյունքում «Հայաստանում կձևավորվի միակուսակցական խորհրդարան՝ մեկ քաղաքական ուժի գերիշխմամբ»: «Չեմ կարծում, որ նման վիճակը երկարաժամկետ կայունություն կապահովի: Մյուս բոլոր կուսակցությունները հայտարարեցին, որ պատրաստ չեն նման սցենարի: Սակայն Սակայն այդ սցենարն առաջ է գնում մոբիլիզացման ռեսուրսով, որին դեռևս տիրապետում է միայն Փաշինյանը: Ակնհայտ է, որ եթե կուսակցություններն այսօր պատրաստ չեն ընտրությունների, ուրեմն նրանց ապագան միանգամայն կանխատեսելի է: Ցանկացած հոգեբան կփաստի, որ չի կարելի լուրջ որոշումներ կայացնել հուզական գրգռվածության վիճակում»,- ասել է Քոչարյանը: Lenta.ru-ն հետաքրքրվել է, թե արդյո՞ք Հայաստանում կան քաղաքական ուժեր կամ առանձին քաղաքական գործիչներ, ովքեր պատրաստ են խախտել այդ մենիշխանությունը: «Կախված նրանից, թե ինչ էներգիայով և պրոֆեսիոնալիզմով նրանք կկառուցեն իրենց աշխատանքն արտահերթ ընտրություններից հետո: Բոլորը գիտակցում ենք, որ քաղաքական դաշտի լուրջ վերաձևավորում կլինի»,- պատասխանել է Ռ. Քոչարյանը՝ նշելով, որ իրեն տեսնում է ապագա ընդդիմությունում: «Հայաստանի ապագայի հետ կապված լուրջ մտահոգություններ ունեմ: Դա ինձ դրդում է՝ ինչ-որ կերպ ազդելու այդ գործընթացներին: Թե որքանով ինձ կհաջողվի, ժամանակը ցույց կտա, սակայն կարծում մե, որ իմ անցյալն ու ներկան, իմ փորձը թույլ կտան էական դեր խաղալ հայկական քաղաքականության մեջ»,- հավելել է Ռ. Քոչարյանը: |
«Շահրամանյան Սամվելը, կարծես, դրսևորում է գործակալական պահվածք»․ Արթուր Հովհաննիսյան
8013:06«Ուղղորդվում ենք Պուտինի կարծիքով»․ Աղալարով
11413:00«Հայաստանը վերածում են Արևմուտքի չափազանց վտանգավոր ծրագրերի իրականացման գործիքի»․ Զախարովա
13412:24«Պարզապես զառանցանք»․ Պուտինը՝ ՆԱՏՕ-ի վրա հնարավոր հարձակման մասին (տեսանյութ)
12612:00«ԼՂ-ից բռնի տեղահանված որոշ շրջանակներ ՀՀ անվտանգության համար սպառնալիք ստեղծող քայլեր են անում»․ Փաշինյան
10711:36«Ֆրանսիան Հայաստանին պատերազմի է դրդում»․ Ադրբեջանի ՊԱԾ տնօրեն
10311:30