Որքանո՞վ է վտանգավոր պահածոյացված սննդամթերքը. մասնագետի խորհուրդները
Բոտուլիզմը շատ տոքսիկոինֆեկցիոն ծանր հիվանդություն է և բժշկի չդիմելու դեպքում կարող է մահվան հանգեցնել: Այն, շատ հաճախ, կարող է առաջանալ պահածոյացված սննդամթերքից: Հիվանդությունն առաջացնող բակտերիաները լինում են հողում: Սննդամթերքը վատ լվանալու կամ վատ եփելու, այնուհետև հերմետիկ չփակելու դեպքում՝ տոքսինը սկսում է արագ կուտակվել: Դրանց համար օդի բացակայությունը բարենպաստ միջավայր է: Այս մասին MAMUL.am-ի թղթակցի հետ զրույցում, անդրադառնալով պահածոյացված մթերքների հետ կապված խնդիրներին, նշեց ՀՀ առողջապահական և աշխատանքի տեսչական մարմնի հիգիենիկ և հակահամաճարակային վերահսկողության վարչության գլխավոր մասնագետ Լիլիթ Հունանյանը: Սննդի ոլորտի մասնագետների կողմից շարունակ հնչող հորդորներից հետո, տնային տնտեսուհիները շարունակում են տան պայմաններում պահածոներ պատրաստել. որքանո՞վ է այն վտանգավոր: «Գործարաններում ապահովվում է 120˚C և 1.2 մթն. ճնշում, որը ոչնչացնում է բակտերիան: Տնային պայմաններում այդպիսի ջերմաստիճան հնարավոր չէ ապահովել: Այնուամենայնիվ, եթե որոշել եք պատրաստել, դրանք, ուտելուց 20 րոպե առաջ, գոնե պետք է եռացնել»,- նշում է Լիլիթ Հունանյանը՝ ընդգծելով, որ բոտուլիզմի հարուցիչը ժամանակի ընթացքում արտադրում է ուժեղ թույն՝ բոտուլոտոքսին: Մասնագետը նշում է, որ բոտուլիզմը շատ վտանգավոր հիվանդություն է, գաղտնի շրջանը 2 ժամից մինչև 10 օր կարող է տևել և տնային պայմաններում բուժել հնարավոր չէ: «Առաջին ախտանիշների դեպքում՝ երկակի տեսողություն, ձայնի խռպոտություն, սրտխառնոց, փորկապություն, պետք է դիմել բժշկի: Ստամոքսի լվացում պետք է անել, ներարկել հակաբոտուլինային շիճուկ, որը խանութներում չի վաճառվում, հակառակ դեպքում՝ կարող է հանգեցնել մահվան»: Նշենք, որ ըստ Առողջապահության նախարարության ներկայացրած տվյալների, նախորդ տարի հանրապետությունում արձանագրվել է բոտուլիզմի 13 դեպք, տուժել է 21 մարդ, որից 2-ի կյանքը փրկել չի հաջողվել: Թունավորման պատճառը տնային պայմաններում մարինացված լոլիկի և վարունգի պահածոներն են, կարմիր պղպեղը, սմբուկը, շուշանի թթուն և այլն: |
«Հայաստանում նկատվում է կարմրուկի դեպքերի աճի միտում»․ Արմեն Մուրադյան
16212:48«Հայաստանում ջրծաղիկը վերջին 3 տարիների ընթացքում աճել է շուրջ 4 անգամ»․ Անուշ Պողոսյան (լուսանկար)
79126.03.2024, 15:24«Վեներական հիվանդություններով վարակվածների թվում բարձր դասարանների տղաներ են»․ Ոսկան Սարգսյան
207122.03.2024, 11:48Առաջին անգամ մարդուն հաջողությամբ փոխպատվաստել են խոզի երիկամ (լուսանկար)
307621.03.2024, 20:48Մահացել է Միքայել Աղաջանովը
234721.03.2024, 09:54«Վեներական հիվանդությունների բռնկում՝ Իջևանում»․ Ոսկան Սարգսյան
251516.03.2024, 13:48