Խաչատրյանի կամերային-գործիքային ստեղծագործությունների ընտրանին՝ խաչատրյանական փառատոնին
Հայաստանի պետական սիմֆոնիկ նվագախմբի հասարակայնության հետ կապերի բաժինը տեղեկացնում է, որ Խաչատրյանի 6-րդ միջազգային փառատոնի շրջանակում՝ հոկտեմբերի 20-ին, Արամ Խաչատրյանի տուն-թանգարանում կամերային երաժշտության երեկո էր: Կարեն Շահգալդյանը (ջութակ), Լիլիթ Զաքարյանը (դաշնամուր) և Ավետիք Ղազարյանը (կլարնետ) հանդիսատեսին ներկայացրել են Արամ Խաչատրյանի կամերային-գործիքային ստեղծագործությունների ընտրանին: Համերգային երեկոյի ընթացքում Կարեն Շահգալդյանը և Լիլիթ Զաքարյանը ներկայացրել են մեծանուն կոմպոզիտորի Երգ-պոեմը աշուղների հիշատակին, «Դիմակահանդես» դրամայի համար գրված երաժշտությունից նոկտյուրնը, թիվ 1 պարը: Կարեն Շահգալդյանը ներկայացրել է կոմպոզիտորի հազվադեպ կատարվող մենանվագ ջութակի սոնատ-մենախոսությունը: Խաչատրյանի մենանվագ դաշնամուրի համար պոեմը և դաշնամուրի սոնատինան կատարել է Լիլիթ Զաքարյանը, իսկ համերգային երեկոյի ավարտին հնչել է Խաչատրյանի տրիոն: Ջութակահար Կարեն Շահգալդյանը փաստել է՝ Արամ Խաչատրյանի կամերային ստեղծագործություններում մենք տեսնում ենք բոլորովին այլ Խաչատրյանի, ով այդքան էլ ծանոթ չէ մեզ, բայց պակաս հետաքրքիր չէ: Շահգալդյանի խոսքով՝ Խաչատրյան տրիոյով անգամ ձայնասկավառակ են ձայնագրել՝ նվիրված Խաչատրյանի կամերային երաժշտությանը: Նշենք, որ հոկտեմբերի 18-ին մեկնարկած Խաչատրյանի 6-րդ միջազգային փառատոնն առաջիկա մեկ ամսվա ընթացքում 9 համերգային երեկոների միջոցով կներկայացնի 20-րդ դարի մեծագույն հայ կոմպոզիտոր Արամ Խաչատրյանի երաժշտական ժառանգությունը։ Խաչատրյանի միջազգային փառատոնն անցնում է խորհրդանշական հոբելյանի ներքո. այս տարի նշվում է Խաչատրյանի 115-ամյակը։ Խաչատրյանի միջազգային փառատոնը կազմակերպել է Հայաստանի պետական սիմֆոնիկ նվագախումբը՝ ՀՀ մշակույթի նախարարության աջակցությամբ։ |
«Միայն իրենց իշխանական ալիքներով է, որ հաջող գործարք են իրականացրել, այնինչ իրականում ողբ է». Տեր Արամ (տեսանյութ)
140Երեկ, 21:13«Հանգիստ մի՛ նստեք ու ասեք՝ ես իմ գործով կզբաղվեմ, ու ամեն ինչ նորմալ կլինի». Արսեն Գրիգորյան (տեսանյութ)
129Երեկ, 20:54«Ցեղասպանվեցինք, որովհետև մեզնից առավել ուրիշին սիրեցինք. այսօր պատմությունը կրկնվում է». Արշակ Սրբազանի ելույթը (տեսանյութ)
12124.04.2024, 01:54Մայր Աթոռը հայտարարություն է տարածել
13322.04.2024, 18:06«Հայ ժողովուրդն ամենուր պետք է շարունակի համախմբվել՝ հանուն Ցեղասպանության դատապարտման»․ Կաթողիկոս
16521.04.2024, 22:00«Հայի պատմությունը բնավ զիջումի քաղաքականության պատմություն չի եղել». Արամ Ա
14321.04.2024, 19:54