«Ստեղծագործելը դարձել է հոգեվիճակ, որի միջոցով իմ հույզերն եմ ներկայացնում». Մանան Սահրադյան
Ապագա մանկաբույժ, 18-ամյա Մանան Սահրադյանը նաև ստեղծագործում է: « 9-րդ դասարանում էի, երբ առաջին անգամ «Վերջին զանգի» միջոցառման համար ստեղծագործություն գրեցի, դրանից հետո մոտ մեկ տարի դադար եմ տվել և հետո սկսել եմ նորից ստեղծագործել»,- զրույցում պատմում է Մ. Սահրադյանը: Մանանը գրել սկսել է 14 տարեկանից, հիմնականում գրում է չափածո գործեր և արդեն ունի մեկ նովել: «Անակնկալ այց» նովելը, որը, ըստ Մանանի՝ «որոշ չափով իրականություն է, որոշ չափով՝ երևակայական»՝ ներկայացնում է գրողի կյանքը: Չափածո գործերը նվիրված են սիրուն և հայրենիքին: Հայրենիքս՝ որպես հիմնասյուն, Ամուր կառչել է հայոց սուրբ հողին, Հայրենիքս՝ ասես սրբություն, Զոհեր է թողել իր ճանապարհին… Մանան Սահրադյանն ապրում է Արարատի մարզի Վեդի քաղաքում, սովորում՝ Երևանի պետական բժշկական համալսարանում: Ծնողների ու իր ցանկությամբ ընտրել է բժշկի մասնագիտությունը: «Երեխաներին շատ եմ սիրում, այդ պատճառով որոշեցի մանկաբույժ դառնալ»,- ասում է մեր զրուցակիցը՝ հավելելով, որ ստեղծագործելը ևս կարևորում է: «Ստեղծագործելը դարձել է հոգեվիճակ, որի միջոցով իմ հույզերն ու ապրումներն եմ ներկայացնում»: Մանանն ասում է, որ ընտանիքի անդամներից բացի պարտական է իր երեք ուսուցչուհիներին: «Ինձ ոգևորել են ոչ միայն ընտանիքիս անդամները, այլև իմ երեք ուսուցչուհիները՝ Նաիրա Հովասափյանը, Սոնա Դավթյանը, Նարինե Գասպարյանը, ովքեր իրենց մեծ ներդրումն են ունեցել նաև իմ դաստիարակման գործում»: Հայրենիքս՝ իր շքեղությամբ, Օտարի սրտում կարոտ է ծնել, Հարենիքս՝ իր տաքուկ ջերմությամբ, Հայ պանդուխտներին տուն է դարձրել: |
Մայր Աթոռը հայտարարություն է տարածել
124Երեկ, 18:06«Հայ ժողովուրդն ամենուր պետք է շարունակի համախմբվել՝ հանուն Ցեղասպանության դատապարտման»․ Կաթողիկոս
15621.04.2024, 22:00«Հայի պատմությունը բնավ զիջումի քաղաքականության պատմություն չի եղել». Արամ Ա
13621.04.2024, 19:54Տիգրան Համասյանի համերգը՝ Խուստուփ լեռան լանջին (լուսանկար, տեսանյութ)
14521.04.2024, 13:18«Արա Գեղեցիկ և Շամիրամ» կտավը մասնակցում է նոր ցուցադրության (լուսանկար)
16921.04.2024, 00:30«Ցեղասպանված հուշարձաններ». կցուցադրվեն Հայաստանի պատմության թանգարանում
15420.04.2024, 23:24