Երևան`   +16 °C
Այսօր`   Ուրբաթ, 29 մարտի, 2024 թ.

«Կարևոր չի, որ վարչապետը մեզ անընդհատ հիշեցնի». Վալերի Օսիպյան (տեսանյութ)

871
Հինգշաբթի, 18 հոկտեմբերի, 2018 թ., 11:45
«Կարևոր չի, որ վարչապետը մեզ անընդհատ հիշեցնի». Վալերի Օսիպյան (տեսանյութ)

«Ես իմ պաշտոնավարման տարիներին, նաև նախկինում, շատ եմ արժանացել քննադատությունների, բայց թող որևէ մեկը մի դրվագ թող փաստով ներկայացնի, որ ես իմ պարտականությունների առաջ թերացել եմ: Ոստիկանությունը պատրաստ է գերազանց անցկացնել արտահերթ խորհրդարանական ընտրությունները: Ունենալու ենք նմանատիպ լավ պատկեր, ինչ ունեցանք ավագանու ընտրություններին: Դա կօգտագործենք նաև մարզերում: Հիմա չեմ բարձրաձայնի, նոր մոտեցումներ են լինելու»,- կառավարության նիստից հետո, լրագրողների հետ ճեպազրույցում, ասաց ՀՀ ոստիկանապետ Վալերի Օսիպյանը:

Նա նշեց, որ ընտրություններին, որևէ ոստիկանության աշխատակից իրավունք չիունի ուղղորդի որևէ մեկի, պարտադրի կամ թելադրի:

Խոսելով ապօրինի զենքով շրջող քաղաքացիների մասին և պատասխանելով հարցին, թե կարելի՞ է ենթադրել, որ այս առումով վարչապետի հրահանգը թուլացել է, ոստիկանապետը պատասխանեց, որ պարտադիր չէ, որ վարչապետն անընդհատ այդ մասին հիշեցնի. «Հրահանգը եղել է մեկ անգամ»,- նշեց Օսիպյանը:

Անդրադառնալով նախկին փոխոստիկանապետ Հունան Պողոսյանին Սյունիքի մարզպետ նշանակելու հարցին, Վ. Օսիպյանը կարծիք հայտնեց, որ վարչապետի ճիշտ որոշում է կայացրել. «Կարծում եմ՝ Հունան Պողոսյանը լավ կաշխատի»,- եզրափակեց ոստիկանապետը։