Նիկոլ Փաշինյանը ներկայացրեց գյուղատնտեսության նախարարի պաշտոնակատարին (տեսանյութ)
«Գնում եմ նոր նախարարներին ներկայացնելու և շրջում ենք քաղաքում»,- ֆեյսբուքյան իր էջում գրել է ՀՀ վարչապետի պաշտոնակատար Նիկոլ Փաշինյանը: Ավելի ուշ, Նիկոլ Փաշինյանը Գյուղատնտեսության նախարարությունում ներկայացրել է գյուղատնտեսության նախարարի պաշտոնակատար Գեղամ Գևորգյանին: Վարչապետի պաշտոնակատարին ու նախարարի ժամանակավոր պաշտոնակատարին նախարարությունում ընդունեց գյուղատնտեսության նախկին նախարար Արթուր Խաչատրյանը: Ներկայացնելով նախարարի պաշտոնակատարին Նիկոլ Փաշինյանն ասաց.«Մեր արդյունաբերությունը հիմա հասել է մի եզրի, որ կա վտանգ, որ մեր գյուղատնտեսությունը չի կարող ապահովել այն հումքը, որն անհրաժեշտ է արտադրության ծավալի համար: Կրկին պետք է անդրադառնանք նրան, որ աղքատության խրախուսումից պետք է անցնել արտադրության խրախուսման: Օրինակ՝ Արարատի մարզում մեզ ասում էին, որ իրենք պատրաստ են եղել և պատրաստ են անսահմանափակ քանակությամբ մթերել օրինակ՝ ազնվամորի և այլն, և կան մարդիկ, ովքեր գործընկերային հարաբերություններ են հաստատել գործարանների հետ և տարիներ շարունակ աշխատում են այդ գործարանների հետ»: Նիկոլ Փաշինյանն ասաց, որ եթե մարդիկ տարիներով համագործակցում են, ուրեմն գործունեության այդ տեսակը շահութաբեր է: «Կա աշխատելու շատ մեծ հնարավորություն, որը չի օգտագործվում, այո, երկրում կան բազմաթիվ սոցիալտնտեսական պրոբլեմներ, սակայն պետք է դուրս գալ այն մտածելակերպից, որ կառավարությունը պետք է լուծի այդ խնդիրները, այո, պետք է լուծի, սակայն դրանք չեն լուծվի, եթե չկա կառավարություն-հասարակություն կապը»: |
«Եթե քաղաքական լուծումներ չգտնվեն, կարող է ծայրահեղ վտանգավոր իրավիճակ ստեղծվել». քաղաքագետ
6517:24«Մենք երբեք չենք մոռացել 4 գյուղերի հարցը»․ Ալիև
12116:54«Վտանգավոր 2 թեզ, որ շրջանառության մեջ են դրել իշխանության դրածոները». Արմեն Հայրապետյան
7116:48«Ընդդիմությունը պարտավոր է բարձրացնել կապիտուլյանտին անվստահություն հայտնելու հարց». Տ. Աթանեսյան
7016:30«Արդեն վախենալու է, թե Հայաստանի ղեկավարը վաղն ինչ ուղերձով է հանդես գալու»․ Վ․ Գեղամյան
6516:24«Բաքուն, առավել քան երբևէ, մոտ է Երևանի հետ խաղաղությանը»․ Ալիև
12216:00