Մասնեի «Մանոն» օպերան արժանացել է հանդիսատեսի բարձր գնահատականին
Ա․ Սպենդիարյանի անվան օպերայի և բալետի ազգային ակադեմիական թատրոնի հանրային կապերի բաժնից տեղեկացնում են, որ Ֆրանկոֆոնիայի 17-րդ գագաթնաժողովի շրջանակում հոկտեմբերի 7-ին և 10-ին Ալեքսանդր Սպենդիարյանի անվան օպերայի և բալետի ազգային ակադեմիական թատրոնում տեղի է ունեցել ֆրանսիացի նշանավոր կոմպոզիտոր Ժ․ Մասնեի «Մանոն» օպերայի հայաստանյան պրեմիերան։ Իրադարձությունը բացառիկ է, քանի որ Հայաստանի օպերայի և բալետի թատրոնի գործունեության 85 տարիների ընթացքում առաջին անգամ ներկայացվել է Մասնեի «Մանոն» օպերան։ Պրեմիերային երկու ներկայացումների արձագանքը կարծես թե գերազանցել է սպասումները. «Մանոնը» հանդիսատեսի կողմից ընդունվել է հոտնկայս ու չդադարող ծափերով: Մասնեի «Մանոն» օպերայի համաշխարհային պրեմիերան կայացել է 1884թ․ հունվարի 19-ին Փարիզի «Օպերա կոմիկում»։ Ա․Ժագարսի այս բացառիկ բեմադրությունը, որն արդեն արժանացել է երաժշտական քննադատների բարձր գնահատականին, Մոսկվայի Ստանիսլավսկու և Նեմիրովիչ Դանչենկոյի անվան ակադեմիական երաժշտական թատրոնում առաջին անգամ ներկայացվել է 2016թ․ հունվարի 29-ին։ Ներկայացման գլխավոր դերակատարներից է եղել Հայաստանի օպերայի և բալետի թատրոնի մեներգիչ, աշխարհի հեղինակավոր բեմերում պահանջված արտիստ, տենոր Լիպարիտ Ավետիսյանը։ Լիպարիտ Ավետիսյանը Ա․Ժագարսի բեմադրությամբ Մասնեի «Մանոն» օպերայում մարմնավորած Դե Գրիեի դերակերպարի համար 2017 թվականին «Լավագույն տղամարդ դերակատար» անվանակարգում արժանացել է «Ոսկե դիմակի»։ «Մանոնի» հայաստանյան բեմադրությունն իրականացնելու նպատակով մաեստրո Կ․Օրբելյանի հրավերով Ա․Ժագարսը Երևանում աշխատանքներն իրականացրել է իր ամբողջ ստեղծագործական անձնակազմով, որում ներգրաված են աշխարհի տարբեր երկրներից լավագույն հագուստի դիզայներները, բեմական նկարիչները և լուսային ձևավորողները։ Ռուսաստանից Հայաստան են բերվել ներկայացման բոլոր դեկորները։ |
«Ցեղասպանվեցինք, որովհետև մեզնից առավել ուրիշին սիրեցինք. այսօր պատմությունը կրկնվում է». Արշակ Սրբազանի ելույթը (տեսանյութ)
114Երեկ, 01:54Մայր Աթոռը հայտարարություն է տարածել
12922.04.2024, 18:06«Հայ ժողովուրդն ամենուր պետք է շարունակի համախմբվել՝ հանուն Ցեղասպանության դատապարտման»․ Կաթողիկոս
16321.04.2024, 22:00«Հայի պատմությունը բնավ զիջումի քաղաքականության պատմություն չի եղել». Արամ Ա
14121.04.2024, 19:54Տիգրան Համասյանի համերգը՝ Խուստուփ լեռան լանջին (լուսանկար, տեսանյութ)
14521.04.2024, 13:18«Արա Գեղեցիկ և Շամիրամ» կտավը մասնակցում է նոր ցուցադրության (լուսանկար)
16921.04.2024, 00:30