Նկարիչ Բենքսիի «Փուչիկով աղջիկը» Sotheby's-ում միլիոն ֆունտով վաճառվելուց հետո ինքնաոչնչացվել է (տեսանյութ)

Փողոցային նկարիչ Բենքսին Instagram-ի իր էջում հրապարակել է հոկտեմբերի 5-ին Լոնդոնի Sotheby's աճուրդի ժամանակ իր հայտնի «Փուչիկով աղջիկը» նկարի ինքնաոչնչացման տեսագրությունը: «Մի քանի տարի առաջ գաղտնի մանրատման սարք էի տեղադրել նկարի մեջ՝ երբևէ աճուրդի հանվելու դեպքի համար»,- գրել է նկարիչը:

Տեսագրության մեջ երևում են նկարի մեջ սարքի տեղադրման կադրերը և թե ինչպես է մեխանիզմը գործում՝ ավելի քան միլիոն ֆունտով նկարի վաճառքից հետո:

Sothebyʼs-ի կայքում ասվում է, որ նկարը ստեղծվել է 2006թ.-ին:

Հայտնի չէ, թե արդյոք աճուրդի աշխատակիցներից որևէ մեկն իմացել է նկարի ինքնաոչնչացման մասին: