Ֆրանկոֆոնիայի միջոցառումների ցանկը

Հայաստանում Ֆրանկոֆոնիայի միջոցառումներն սկսվեցին Ֆրանկոֆոնիայի մշտական խորհրդի105-րդ նիստով:

Հոկտեմբերի 8-9 տեղի կունենա Ֆրանկոֆոնիայի նախարարական 35-րդ նիստը:

Ազատության հրապարակում հոկտեմբերի 9-ին նախատեսված է «Ֆրանկոֆոնիայի ավանի» պաշտոնական բացումը, որտեղ գագաթնաժողովի մասնակից երկրները, Ֆրանկոֆոնիայի միջազգային կազմակերպության գործընկերներն ու գործակալությունները կցուցադրեն իրենց երկրների մշակութային և լեզվական բազմազանությունը:

Հոկտեմբերի 10-ին«Թումո» ստեղծարար տեխնոլոգիաների կենտրոնում կազմակերպվելու է տնտեսական ֆորում:

Բուն գագաթնաժողովը կմեկնարկի հոկտեմբերի 11-ին, որը կշարունակվի մինչև հոկտեմբերի 12-ը:

Հոկտեմբերի 11-ին Հանրապետության հրապարակում՝ ժամը 19:30-ին, կանցկացվի գալա համերգ, որի եզրափակիչ հատվածը նվիրված է լինելու Շառլ Ազնավուրին: Համերգի ընթացքում ելույթ կունենան աշխարհահռչակ երգիչներ Անժելիկ Կիժոն, Մելոդի Գարդոն, Զազը:

Հոկտեմբերի 12-ին գագաթնաժողովը կավարտի աշխատանքները և արդյունքների մասին կհայտարարվի ասուլիսում: