«Պարտավոր ենք այսուհետ ևս շարունակել արժանի լինել այն համարումին, որն Ազնավուրն ապահովեց մեր ազգի համար». Արծրուն Պեպանյան

Քաղաքական վերլուծաբան Արծրուն Պեպանյանը «Ֆեյսբուք»-ում գրել է. «Երեկը ճակատագրական օր էր՝ ով չգիտեր, իմացավ, որ աշխարհում կա հայ ազգ, որը կարող է մարդկությանը իրենց սրտից խոսացող համաշխարհային մեծություն տալ: Սա հպարտություն է բերում մեզ, նաև ծանր խնդրի առաջ է կանգնեցնում. մենք պարտավոր ենք այսուհետ ևս շարունակել արժանի լինել այն համարումին, որն Ազնավուրն ապահովեց մեր ազգի համար: Իսկ դրա համար պիտի շարունակենք մեր երկիրը կարգի բերելու սկսած գործընթացը, ստեղծելու ազգային իր տեսակի մեջ կատարյալ, աշխարհի սկզբից եկող իր արժեքները պահպանող, իր սրբություններն ունեցող, դրանք ձևախեղող ներմուծովի դրսևորումներից զերծ համակեցություն, որն ընդօինակելի կլինի ոգեմշակութային խարխափումներին տրված ներկա մարդկության համար:
Ճիշտ և ճիշտ ինչպես շատ հնում, երբ մեր բնօրրանը օտարները կոչում էին Աստվածային օրենքների երկիր:

Եվ ինչպես մեր նախնիներն էին ասում,
-Օն, առաջ....